بەبۆنەی بەستنی نۆیەمین کۆنگرەی یەکگرتووی ئیسلامی کوردستان و ھەڵبژاردنی مامۆستا سەڵاحەدین محەمەد بەھائەدین بە ئەمینداری گشتی یەکگرتوو بافڵ جەلال تاڵەبانی پەیامێکی پیرۆزبایی ئاراستەی ئەو حزبکە دەکات و دەڵێت، "ھیوادارم ھەموومان پێکەوە بە رۆحێکی برایانە و نیشتمانییانەوە کار بۆ بەھێزترکردنی کوردستان بکەین و داھاتوویەکی سەقامگیرتر بۆ خەڵکەکەمان بونیادبنێین".
دەقی پەیامی بافڵ جەلال تاڵەبانی
بەڕێز مامۆستا سەڵاحەدین محەمەد بەھائەدین
برایان و خوشکانمان لە یەکگرتووی ئیسلامی کوردستان
بەستنی نۆیەمین کۆنگرەی یەکگرتووی ئیسلامی کوردستان و ھەڵبژاردنەوەی بەڕێزتان وەک
ئەمینداری گشتیی یەکگرتووی ئیسلامی کوردستان پیرۆزبێت وھیوای سەرکەوتنتان بۆ دەخوازم.
لەم دەرفەتەدا جەخت لە گەشەپێدانی پەیوەندییەکان و ھەماھەنگیی نێوانمان بۆ ھێنانەکایەی حوکمڕانییەکی تەندروست و خزمەتگوزار دەکەینەوە، ھیوادارم ھەموومان پێکەوە بە رۆحێکی برایانە و نیشتمانییانەوە کار بۆ بەھێزترکردنی کوردستان بکەین و داھاتوویەکی سەقامگیرتر بۆ خەڵکەکەمان بونیادبنێین. دڵنیاشم راسپاردە و دەرئەنجامەکانی کۆنگرەکەشتان ھەر لەو چوارچێوەیە و لەپێناو خزمەتکردنی زیاتری میللەتەکەمان دەبێت.
شاد و سەرفرازبن
بافڵ جەلال تاڵەبانی
|