وەزارەتی بازرگانی عێراق هاوڵاتیان ئاگادار دەکاتەوە کە لەسەرەتای ساڵی داهاتووە بەئەلیکترۆنیکردنی فۆرمی خۆراک دەڕواتە بواری جێبەجیکردنەوە
محەمەد حەنون وتەبێژی وەزارەتی بازرگانیی عێراق رایگەیاند: پرۆگرامی فۆڕمی ئەلیکترۆنی کۆبۆنی خۆراک بە ئاسانی بەرەوپێش دەچێت و بڕیارە لە سەرەتای ساڵی تازەدا لە سەرجەم پارێزگاکانی عێراق پڕۆسەکە بڕواتە بواری جێبەجێکردنەوە.
ئاماژەی بەوەشداوە: رەزامەندی وەرگیراوە بۆ یەکخستنەوەی داتای بریکارەکانی خۆراک لە هەرێمی کوردستان و تەواوی پارێزگاکانی عێراق.
وتەبێژی وەزارەتی بازرگانیی عێراق باسی لەوەشکردوە: هەماهەنگیی هەیە لە نێوان وەزارەتی بازرگانیی عێراق و وەزارەتی بازرگانیی هەرێم و ڕێکارەکان لە دوای کۆتاییهاتنی پشووی سەری ساڵەوە دەست پێدەکات و سەرجەم ئەو ھاووڵاتییانەی لە ھەرێم تۆمار کراون لە پڕۆسەی سەرژمێریدا لە کارتی ئەلیکترۆنی کۆبۆنی خۆراک تۆمار دەکرێن.
|